رد الفنان اللبناني جو رعد على مقدم برنامج "هيدا حكي" الممثل عادل كرم، بعد أن انتقده في آخر حلقة من البرنامج، وكتب رعد عبر حسابه الخاص على أحد مواقع التواصل الإجتماعي :
"اليوم عادل كرم حب يزيد عدد المشاهدين قال هات لإتمسخر على جو رعد طالما إنو جو مادة دسمة عدا عن إنو قلبو طيب بكلمة بيرضى. هو هيك مفكر ومش هيدا موضوعنا. موضوعنا هل بيحق لعادل كرم يتمسخر عليي؟ انا اللي ربيت يتيم مات بيي وأنا طفل وانسرقت مني طفولتي . وعشت فقر وتعتير وكان هدفي اوصل وانجح وإجمع عيلتي.اشتغلت من الصفر بلشت اجمع القرش فوق القرش ونجحت اجمع عيلتي ببيت واحد. الله عطاني موهبة وصلتني ابتكر الموضة على رؤوس السيدات والاميرات ويكتر خير الله . والدتي شافت حالها فيي وقدرت عوضها عن سنين الحرمان والله كان كريم معنا ورغم كل شي ما نسينا يوم اننا عانينا من الفقر والتعتير لوصلنا لهون. ولأن ربنا انعم عليي حاولت استثمر جزء من اللي عملتو بمجال بحبو. حملت الميكروفون وغنيت وما جبرت حدا يسمعني. صرت اخد دروس موسيقى وفوكاليز لطور موهبتي .ما كذبت على حدا ما خلفت ولد ورميتو ودعوات إمي بتخليني فل يوما ما من الدنيا وأنا مرتاح الضمير. اما عادل كرم فشو هو الانجاز اللي عملو الا انو عامل كاراكوز ليضحك الناس؟ الله كبير ودايما بسلم امري إلو وبعرف انو ولا مرة تركني ولا رح يتركني".
